सांगली जिल्हा शिक्षक भारती तर्फे देण्यात आलेले सावित्री फातिमा आदर्श शिक्षिका पुरस्कार वितरण सोहळा आमदार विक्रम सावंत यांच्या हस्ते जत येथे साई प्रकाश मंगल कार्यालय येथे संपन्न झाला.
यावेळी सौ आशाताई पाटील शिक्षण व आरोग्य सभापती जि प सांगली सरदार पाटील जिल्हा परिषद सदस्य सांगली, विष्णू चव्हाण उपसभापती पंचायत समिती जत,भूपेंद्र कांबळे शिक्षण व आरोग्य सभापती नगरपालिका जत, प्रभाकर भाऊ जाधव अध्यक्ष विद्या प्रतिष्ठान जत,शिक्षक भारती जिल्हाध्यक्ष महेश शरनाथे, कृष्णा पोळ,कादर आत्तार हे उपस्थित होते.
कॅशलेस विमा आरोग्य योजना शिक्षकांना दिली जाणारी अशैक्षणिक कामे शिक्षकांच्या विनंती बदल्या याबाबत राज्य स्तरावर संबंधित खात्याच्या मंत्र्यांशी बैठक घेऊन शिक्षक भारतीच्या पदाधिकारी यांना सोबत घेऊन राज्य स्तरावर प्रयत्न करू त्यासाठी संबंधित खात्याचे मंत्रीयांची बैठक घेऊ. संघटनेच्या कामकाजासाठी आजपर्यंत सहकार्य केले आहे भविष्यात निश्चितपणे शिक्षक भारतीला सहकार्य केले जाईल असे मत आमदार विक्रम सावंत यांनी व्यक्त केले.
जिल्हा परिषद स्तरावर प्रलंबित प्रश्नांची तात्काळ सोडवणूक केली जाईल. संघटनेच्या माध्यमातून आपण करीत असलेल्या कार्यासाठी शुभेच्छा देऊन शिक्षण सभापती आशाताई पाटील यांनी शिक्षक भारती संघटनेला सहकार्य करण्याचे आश्वासन दिले. यावेळी जागतिक स्तरावर पुरस्कार प्राप्त शिक्षक डिसले गुरुजी यांचेही यांनी अभिनंदन केले.
जिल्हा परिषद सदस्य सरदार पाटील यांनी शिक्षकांच्या प्रलंबित प्रश्नांसाठी जिल्हा परिषद शिक्षण सभापती यांनी लक्ष घालण्याची गरज असल्याचे मत व्यक्त केले.शिक्षकांच्या प्रश्नासाठी जिल्हा परिषद मध्ये आपल्या सोबत राहू असेही पाटील म्हणाले.
प्रभाकर भाऊ जाधव यांनी शिक्षण आणि आजची शिक्षण व्यवस्था जिल्हा परिषद शाळा व खाजगी शाळेचे संदर्भाने गुणवत्तापूर्ण शिक्षण मिळण्यासाठी जे काही सहकार्य करावे लागेल ते करण्याची भूमिका आम्ही घेऊ असे सांगितले.
भूपेंद्र कांबळे यांनी शिक्षण हे वाघिणीचे दूध असून शिक्षणाने माणूस संघटित होतो व संघर्ष करतो ही डाॅ. बाबासाहेबांची आठवण करून दिली. सर्वच पदाधिकारी यांनी डाॅ.आंबेडकर यांच्या महापरिनिर्वाण दिनाच्या निमित्ताने आदरांजली व्यक्त केली.
यावेळी जिल्हा अध्यक्ष महेश शरनाथे यांनी राज्यस्तरावरील कॅशलेस विमा आरोग्य योजना, शिक्षकांसाठी राबविण्यात येणारे बदली धोरण शिक्षकांना दिली जाणारी अशैक्षणिक कामे याप्रश्नाबाबत सविस्तरपणे मत मांडले. जिल्हा परिषद स्तरावर प्रलंबित असणारी पेन्शन प्रकरणे गटविमा प्रकरणे फंडाची प्रकरणे मेडिकल बिले यासंदर्भात शिक्षण सभापती यांनी लक्ष घालण्याची मागणी केली. तसेच जिल्हा परिषद शिक्षण कमिटीवर शिक्षक भारती संघटनेला प्रतिनिधित्व देण्याबाबतची मागणी केली.
कार्यक्रमाचे प्रास्ताविक जत तालुका शिक्षक भारतीचे अध्यक्ष दिगंबर सावंत यांनी केले याप्रसंगी जत तालुक्यातील आदर्श शिक्षिका यांचा सन्मान करण्यात आला. याप्रसंगी मेडिकलला प्रवेश मिळालेल्या विद्यार्थी पालक यांचा सत्कार करण्यात आला.
याप्रसंगी शिक्षक भारती सांगली जिल्हा कार्यकारणी सदस्य व पदाधिकारी तालुकाध्यक्ष दिगंबर सावंत मल्लया नांदगाव ,नवनाथ संकपाळ ,जितेंद्र बोराडे, अविनाश सुतार ,विनोद कांबळे, बाळासाहेब सोलनकर रावसाहेब चव्हाण,जयानंद तुंगल , सिद्राम देसाई बगली सर ,धानापा कमते , व सर्व तालुका पदाधिकारी उपस्थित होते. आभार भाऊसाहेब महानोर यांनी तर सूत्रसंचालन यांनी केले.
