दर्जा व गुणवत्तेत भिलवडी शिक्षण संस्थेचे योगदान मोलाचे - आमदार मोहनराव कदम;संगणक कक्षाचे उद्घाटन

भिलवडी शिक्षण संस्थेने दर्जा व गुणवत्ता यामध्ये सातत्य टिकवून ठेवीत शिक्षण क्षेत्रात निर्माण केलेली परंपरा व योगदान मोठेआहे.शिक्षण संकुलातील अंतर्गत रस्त्यांच्या डांबरीकरण कामासाठी आमदार फंडातून  तात्काळ निधी उपलब्ध करून देणार असल्याचे प्रतिपादन आमदार मोहनराव कदम यांनी केले.

भिलवडी शिक्षण संस्थेच्या खाजगी मराठी प्राथमिक शाळेतील संगणक कक्षाचे उद्घाटन व सेकंडरी स्कूल अँड ज्युनियर कॉलेज भिलवडी मधील गुणवंत विद्यार्थी सत्कार समारंभ प्रसंगी ते बोलत होते.अध्यक्षस्थानी भिलवडी शिक्षण संस्थेचे अध्यक्ष विश्वास चितळे होते.

मोहनराव कदम यांच्या फंडातून खाजगी मराठी प्राथमिक शाळेस दहा संगणक संच व प्रिंटर तर सेकंडरी स्कूल भिलवडी या शाखेस पाच संगणक संच भेट देण्यात आले आहेत.विश्वास चितळे यांच्या हस्ते भिलवडी शिक्षण संस्थेच्या वतीने आमदार मोहनराव कदम यांचा सत्कार करण्यात आला.

मान्यवर पाहुण्यांच्या हस्ते सेकंडरी स्कूल भिलवडी मधील गुणवंत विद्यार्थ्यांचा पारितोषिक देऊन गौरव करण्यात आला.यावेळी संस्थेचे उपाध्यक्ष डॉ.बाळासाहेब चोपडे,विश्वस्त जे.बी.चौगुले,संचालक गिरीश चितळे,राजूदादा पाटील,डी.के.किणीकर,डॉ.सुनिल वाळवेकर,जयंत केळकर,संजय कदम,माळवाडी गावच्या सरपंच सुरैय्या तांबोळी,प्रा.मनिषा पाटील,बाबासाहेब चितळे महाविद्यालयाचे प्राचार्य डॉ.दिपक देशपांडे,खाजगी मराठी प्राथमिक शाळेचे मुख्याध्यापक सुकुमार किणीकर,इंग्लिश प्रायमरी अँड हायस्कूलच्या मुख्याध्यापिका विद्या टोणपे,इंग्लिश मिडीयम स्कूलच्या स्मिता माने,प्रकाश गोसावी बालवाडीच्या सुचेता कुलकर्णी आदींसह सर्व विभागप्रमुख,शिक्षक व शिक्षकेत्तर कर्मचारी,विद्यार्थी व पालक उपस्थित होते.

संस्था सचिव संजय कुलकर्णी यांनी प्रास्ताविक केले,शशिकांत उंडे यांनी पाहुणे परिचय, संजय मोरे यांनी सूत्रसंचालन केले, प्रा.महेश पुजारी यांनी पारितोषिक वितरण कार्यक्रमाचे निवेदन केले.सेकंडरी स्कूल अँड ज्युनियर कॉलेज भिलवडीच्या मुख्याध्यापिका  शुभांगी मन्वाचार यांनी आभार  मानले.