चितळे महाविद्यालयातील विश्वजित गावडेची ऐतिहासिक कामगिरी; इतिहास विषयात शिवाजी विद्यापीठामध्ये प्रथम..

भिलवडी ता. पलुस येथील भिलवडी शिक्षण संस्थेच्या बाबासाहेब चितळे महाविद्यालयाच्या इतिहास विभागाचा  विद्यार्थी विश्वजीत तानाजी गावडे याने  शिवाजी विद्यापीठ कोल्हापूर यांच्या वतीने  मार्च २० २१ मध्ये घेण्यात आलेल्या  बी.ए. भाग - ३ चा परीक्षेत इतिहास विषयामध्ये शिवाजी विद्यापीठ स्तरावर प्रथम क्रमांकाचे यश प्राप्त केले.त्याने केलेल्या या ऐतिहासिक कामगिरी बद्दल भिलवडी शिक्षण संस्थेच्या वतीने अध्यक्ष विश्वास चितळे यांच्या हस्ते शाल , श्रीफळ,फेटा व ग्रंथ भेट देऊन सत्कार करण्यात आला.

यावेळी बोलताना संस्थेचे अध्यक्ष विश्वास चितळे म्हणाले की,विश्वजित गावडे याच्या ऐतिहासिक कामगिरीमुळे महाविद्यालयाचा नावलौकी कात भर पडणार असून त्याचा आदर्श घेऊन गुणवंत विद्यार्थी  घडावेत,विविध स्पर्धा परीक्षांमध्ये त्यांनी यश प्राप्त करावे,अशी अपेक्षा व्यक्त करीत त्यास सर्वतोपरी मदत करण्याचे आश्वासन दिले.

 यावेळी संस्थेचे विश्वस्त जे.बी. चौगुले,संचालक  गिरीश चितळे,डी.के.किणीकर,संजय कदम,डी.ए .चौगुले,सचिव  मानसिंग हाके,सहसचिव के.डी.पाटील, प्राचार्य डॉ.दिपक देशपांडे, इतिहास विभाग सहाय्यक प्रा.ए.एन.केंगार  आदी मान्यवर उपस्थित होते. 
महाविद्यालयाचे प्राचार्य डॉ. दीपक देशपांडे यांनी स्वागत व प्रास्ताविक केले,डॉ. सुरेश शिंदे यांनी सूत्रसंचालन  केले तर इतिहासाचे  प्राध्यापक प्रा.  ए.एन.केंगार यांनी आभार मानले. यावेळी महाविद्यालयातील कला , विज्ञान व वाणिज्य विभागातील सर्व शिक्षक व शिक्षकेतर सेवक उपस्थित होते .